前日post完講GME事件嘅YouTube片之後，好多客戶同朋友都問我，今次GameStop 事件對後市有乜嘢影響、會唔會有投資機會？
好精簡咁同大家講吓我嘅睇法。
首先，究竟今次由WallStreetBets引發起嘅「散戶打大鱷」風氣會維持幾耐，會唔會伸延到其他股票或其他資產？一啲之前俾人唱淡嘅虛擬貨幣同期貨，呢兩日都出現唔正常波動，所以我估計，呢種風氣應該都會維持一段時間，但規模就好可能似游擊戰一樣，又必會未去到大規模戰爭，死傷慘重。但對投資環境氣氛就一定會有影響。
對後市有乜影響？短期內美股，我估計應該會有唔少對沖基金因為擔心呢個原因而繼續risk off 去將短倉平倉，而同時將長倉減少（即係無奈要減持一批本來睇好嘅股票）。如果市場氣氛唔明朗，加上美股已經升咗一段時間，投資者接貨意欲變低，美股好大機會繼續出現調整，幾個percent一啲都唔出奇，但股災咁嘅大跌市機會我就覺得唔高。因為要同時間有好多隻好似AMC，GME嘅股票或資產，要係好短時間內出現咁大嘅變動，令對沖基金或有短倉嘅金融機構反應唔切，先可能會出現一啲好災難性嘅股災。
所以換過角度黎睇，大市已經升咗咁多，大家可以趁呢個有機會出現嘅大市調整，選擇一啲優質好股票、或者適合長線持有嘅概主題基金；如果之前覺得貴一直唔敢買，今次就唔好錯失機會！
Search